Dechreuodd Gafyn Buckland ei daith cerddorol tra’n ddisgybl yn ysgol Llangefni, pan enillodd ei fand Arika gystadleuaeth Brwydr y Bandiau ar raglen deledu Uned 5. Ers hynny mae galluoedd Gafyn fel cyfansoddwr a perfformiwr wedi datblygu. Mae’n berfformiwr cyson mewn nosweithiau lleol, a dyma ei record gyntaf fel artist unigol. Mae "Hwyl ar y Traeth" yn drac sydd yn nodweddiadol o’i arddull: yn llawn ffraethineb ac yn cyfuno agweddau gwerinol hefo bandiau "indie".Yng nghanol y gwynt a’r glaw dyma atgof o’r haf, sy’n ein tywys yn ôl i’r pleserau syml rydym i gyd wedi eu mwynhau ar lan y môr.

Cewch fwy o wybodaeth am Gafyn ar ei Wefan www.gafbuck.com neu trwy cysylltu a Recordiau Aran.